Nää, wat wor dat enmol schüen

Öm dat vürweg ze nemmen, düs Johr fällt de Fastowend jo wejen Corona ous. Awer me erennert sich jo gern an su manchen Fastowend von domols.

He jetz en paar Jeschichten ous dern fröheren Johren.

Dat Gute-Nacht-Ständchen

Et wor su noh dern Summerferien. Me fengen werer an ze proben. Mir dat woren zenächst diejenijen, die en de Prenzengarde tröden (de Fanfare spellen) un trommeln däden. Raz-faz es de Zejt römm un me muss jo ördentlich parat stohn, wenn et dann werer loss geht.

Nu wor et manchmol su, dat me ous noh der Probe noch grad wat zesamensetzen däten. Me woren üwer en jekummen, mol no Schünsten no Nothelfersch ze gohn.

Me soßen alsu en Nothelfersch Wirtschaft un hatten ous wat ze trenken bestallt. Do kom dat Agnes, de goore Seele von derm Lokal, un frochte: „Könnt ihr nicht dem Opa und der Oma mal ein Ständchen spielen.“ (Em Gejensatz zu ous, schwadde dat Agnes ziemlich Hochdeutsch.) Me soren ous aan un menden, dat wör ejentlich ken Problem. Awer me gowen ze bedenken, ob dat dann keenen Ärjer gäwen dät. Dat Agnes sade dann: „Da habt mal keine Bedenken, das geht in Ordnung.“ Me holden ousere Instrumende un frochden, wo me ous dann hinstellen soulden. „Stellt euch hier auf die Treppe und oben auf den Flur, Oma und Opa sind schon im Bett und freuen sich, wenn sie noch ein Gute-Nacht-Ständchen gespielt bekommen,“ wor die Anweisung vom Agnes. Domet hatten me jetz su net jerechnet. Na ja, me stallden ous alsu opp und et kom dat Kommando zum Spillen.

Kurz droff, me hatten die irschten Takte jespillt, moch dat Agnes de Schlofzemmerdür opp, un de Opa, de ahl Will, un de Oma, et Tillchen, loren im Bett wie jemold. Dat Tillchen jekrönt met nem Häubchen met Spetze dran. De Will groste, wie her de Musik hürde, en der Schublade vom Nachtskonsölchen un wur ouch glech fündich. Do hatte er nämlich seng Mundstöck dren lejen. Me muss wessen, en senger Jurend in Köln, do, wo de Nothelfersch her komen, hatte de Will en nem Tambourcorps jespillt. Jetzt wullde er met derm Mundstöck met ous metspillen, awer dat klappte net su richdich. De Will hatte nämlich kän Zänn mie em Mund und dat Jebess loch omm Nachtskonsölchen. Er gof awer trotzderm Kommandos, wie me ze spillen hatten un dirigierde met dern Hänn dobie. Dat Tillchen ref: „Nä, nä nä, wat es dat enmol schüen. Dat hätte esch me net trömen losen, dat esch opp menge ahlen Dach noch enen jespillt grejen.“

Wie me dat dann soren, wor et met derm Spillen vebie. De Mäh kunn sech kumm noch halen un loch su lang wie er wor em Flur; de Trönen lefen imm für lachen de Wangen runner. De Eibi ref: „Esch hann jo schon alles möchliche metjemacht, suwat awer noch net.“ Un ous Köster sade: „Dat es jo wie Chresdach, Ostern und Pengsten opp enen Dach.“

Un dat schüne an der Sache wor, me grechten och noch Beifall jeklatscht.

Me hatten jo schon an manch enem Ort jetrödet un jedrommelt, awer suwat hatten me och noch net erläft. Wie me ous wat jesammelt hatten, setzten me ous werer in de Wirtsstuff, un et wur dann noch en recht jemödlcher Owend.


Träfen em Wachlokal

Et geht jo werrer schnurstraks op Fastowend zo. Un et es jedes Johr dat selwe Spill. Dann nämlich kummen enem su de Jedanken, wi me fröher su en d’r Fastowendzejit ungerwääs wor. Nää, wat wor dat emol schüen, un me han vill Spass jehatt. Me han jo och su manches bekloppt, awer et ess kenem wat dobi passiert. Mer han jo och su manchem enen opjerängelt. Dofür hatten mer je och Spezialisten bi ous.

Worüwwer he jeschwatt wird, dat ess schun bal 40 Johr herr. Et hannelt sech nämlich he öm die, die domals en d’r Prenzengaade und em Danskorps im Wesser Fastowend worn. Wat worn me enmol en staatse Gaade un irscht ous Mädcher, wenn me sech dat heut su üwwerläd.

Me troofen ous alsu werer mol für nem Offtritt en ouserem Wachlokal, dern Marktstuben – nää, wenn dat Stüvvchen vezällen künt. Me moren dann Meldung bi ouserer Kompaniemodder, derm Gerda, dat och de Wirtin von derm Lokal wor. Woren me dann suweit all zesamen, dann gov de Hans-Paul, dat wor der Kommandant, dat Kommando zum durchzällen, op me och all doworn. Dat ging awwer ganz locker leicht üwwer de Bühne, nett su militärisch ernst.

Jetzt gov et sech, dat och fremme Leu in ouserem Wachlokal worn. Die wonnerden sech, wat mir für en Zucht un Ordnung hatten, un se woullden allerhand von ous wessen. Üwwer die dur veel dann irjendwie dat Wort Köln, un dat wor dann och dat Stichwort für ouseren Luch, der wor jo bekannt für spezielle Auskünfte. Awwer öm dat derekt ze san, herr wor net der Enzichste bi ous, der dofür prädestiniert wor.

De Luch vezohl dern Leu dann bröhwarm, dat me he en Oußenstell vom Kölner Fastowend wern. Me wern he de letzte rheinische Bastion, un müssten sehn, dat dat Brauchtum offrecht erhahlen bliev.

Un de Mää unnerstrich dat Ganze in derm er san dät, me wern ouch extra dofür en Köln jeschult wurn. Un de Eibi sa dann noch op senge röhije Art: „Nää, wat han esch bi der Prüfung jeschwest.“ De Leu worn baff, wie die dat all hürten. En dat ganze Vezällen durchdrong op enmol dat Kommando vom Kommandanten: „Aa-a-alles roustränn, et et es su wejit, et geht loss.“ Nett üwwerhastet moren me ous dann ferdisch un worn dann op Dour.

Wenn me dann des Nächz werer zoröck komen, wor de Offlüsung em Wachlokal. Mestens satten me ous awwer noch get hin, öm irscht mol ze Verschnöfen, befür me op Hem angingen. Dann kunde et passiern, dat de Eibi san dät: „Ihr Jongen lost ous doch noch enen sengen.“

Domet mende herr dann en Choral, dern me ejendlech en d’r Kirche sengt. Seng en un alles wor et dobi, de Oberstemm ze sengen. Un dann wur et mestens noch recht jemötlich.

Jez muss me ouch san, diejenijen, von dern he jeschwatt wird, es kener mie unger os.

Awwer manchmol ment me, me grechte su Eingebungen, von do wo se jez senn, öm dern nächsten Unducht ze bekloppen, wenn me ous an ouserem Stammdesch werer träfen , nämlich die, die noch dosenn.

 

 

 



Un he noch en paar Fotos von domols